الحيوانات في الامثله الشعبيه ..~

الحيوانات في الامثله الشعبيه ..~



الحرة تغزل برجل الحمار
الفار السمين من حظ القطوس
الكلب اللي ينبح ما يعض
النعجة الصياحة ما يسرقوش ضناها
ان سرقت اسرق جمل وان عشقت اعشق قمر
الجمل مايشوفش عوج رقبته
اربط الحمار جنب رفيقه ان ما تعلم شقيقه يتعلم نهيقه
افتحنها الفيران وطاحن فيها الثيران
القرد في عين امه غزال
الجمل يخلف البعر
ادبارة الفار علي هل الدار بيعوا القطوس و اشروا جبنة
ابسط باب يمنع الكلاب
احمارتك العرجة ولا شحاتك م اللي مايسوه
اربط الحمار مطرح مايقولك صاحبه
اضحك الجمل في عمره مره انشق شاربه
المحتاج يقول للكلب ياسيدي
أن كان نا أمير وانت امير من يسوق الحمير
الحمار الزين ما يطلع من النجع
ارنب حطبها معاها
الذيب الشاطر يحصل بكرعيه الربعة
أطلق الذيب ما تحق ألا عجاجته
الظليمة تجي للحمار المقيد
الكلب الحمر حاسب روحه م العجول
الكلب ما ياكلها ألا امرمده
اكسب لسان تركب حصان
افلس من فار الجامع
اللي تلمها النملة في عام يشيلها الجمل في خفه
اللي يدير روحه نعجة ياكلنه الكلاب
اللي فيه سر م الكلاب ينبح
اللي يخدم بيه القرد يشروبه علوق الحمار
اللي يديرها الذيب ما يكرهها الكلب
اللي مي فرس بوك توقعك
اللي ماعنده سعي ذباح
اللي ما عنده ما يدير يكوي الحمير
قطرة الضبع ما تخلى م العظام
حلم القطوس كله فيران
خاطره في العرس وخايف م الكلاب
قطرة السبع أقعدت ملعبه للفيران
دبش العجل موثق وحبل
ارخص الحرير نين قيدوا بيه الحمير
ربع الكبش خير من حولي
سافر جمل ورد حمار
سبع ولا ضبع
شكرنا القطوس بال ف العجينة
بو جمل يحتاج لبو حمار
صح المريض خذا حمار الطبيب و باعه
عمر المر ماتربي عجل ينفع
عنز لو طارت
غاب القط ألعب يافار
فعل الفرس من فارسها
قالوا ايش يقرب لك قال ولد عم شراي حمارتنا
قالوا ياجحا عد غلمك قال وحدة راقدة وحدة راعية
قالوا للجمل زمر قال لا شوارب ملمومة ولا صوابع امفسرة
قليل الوالي يقول للكلب ياخالي
قرد اموالف ولا غزال امخالف
قطاطيسم جمال وناموسم رجال
قولة حت تلم البل
قالوا للبغل من بوك قال الحصان خالي
قطرة الضبع تبق امقيل للحمير
كيف القطوس بسبع ارواح
كيف القنفود لا ينحضن لا ينحب
كيف حمار العنب يشيله وما يذوقه
كيف البغل الصاح يعض اللي قدامه ويصك اللي وراه
كيف الجدي يصيح والثدي في فمه
التكرار يعلم الحمار
كثرة الحمير من حظ الركاب
كلب ابيض وكلب اسود قال كلاب كلهن
كلب سايب ولا سبع مربوط
كيف غفير الجيفة لا ياكل ولايخلي الكلاب ياكلن
كل الجمال تعارك الا خملنا بارك
كل شاة امعلقة مع عرقوبها
كيف راحة الحمار في الفلوكة
الحمار لما يشبع يطرطش علوقة
لو القرد شاف روحه في المرايا ما جا الرقص علي باله
لبيض في الكلاب نجس
لا شمها فار ولا ذاقها جار
لا تجوع الذيب ولا تفني الغلم
لا عنده في الثور ولا عنده في الطحين
لا حفرنا جربوعاً ولا نتق
من قلة الخيل شدوا ع الكلاب سروج
ما أقدر ع الحمار اقدر ع البرذعة
ماتضرب الكلاب نين تعرف صاحبه
ما أتضيق الزريبة ألا ع الحمارة الغريبة
ماتت المارة وانقطعت الزيارة
موش كل من أركب حصان فارس
مية حمار ما يجن علي جيفة ضبع
ما شيب حمير الفندق ألا واحد يأكل وواحد يتفرج
ما تنضرب وهي تبهت غير لرنب
من كثر ماله ربى كلبين
ولد الفار يطلع حفار
ولد الذيب ما يتربا
ياما للحج جمال مربوطة
ياواخذ القرد علي ماله مصير القرد يرجع لحاله
يبرك جمل وينوض قعود

افلس من فار الجامع
اكيد فار الجامع ديمه امفلس

ههههههههههههههههههههههههههههههه سبحان الله الشعب الليبي امثاله غريبه