قصيده لشاعر (بوبكر رابح ) ... لــ شايب الرومانسي ذو الحياه الهادئه حيث يأتيه أبن عمه (أمراجع بونجامه)
طالباً منه الفزع معه لوضع حد لــ ( عيلت سلامه ) التي كما يقول إمراجع أنهم أستولوا على قطعه أرض لهم ....
شايب يرقد في بجاما .... مايرقد في جلابيا
جوه في دارا حمامـــا .... متمنقه ميا فلميا
يلبس علموضا هنداما .... ولبساتا ديما رسميا
ومنظم ساعات طعاما .... و أغلب وجباتا مشويا
روتيني داير نظاما .... يشرب قهوه كل عشيا
عندا فتره لنسيجاما .... عايش عيشا رومانسيا
كناري يغرد قداما .... نغمت صوتا موسيقيا
داير حوض أسماك أحجاما .... يختلفن بألوان بهيا
شايب عاش دلال أياما .... مافي عمرا دار قضيا
مابين أوراقا وأقلاما .... مثقف و أفكارا حيا
فندام إيتابع ففلاما .... و يحكي لوغات أجنبيا
فارض عالناس إحتراما .... واخذ لأمور إبجديا
هادي فى طبعا وكلاما ..... مايعرفش العاصابيا
موأدب في رد سلاما .... تابع قول الله ونبيا
لاهو من ناس الجلهاما .... لاهو من ناس الحسديا
لاهو كيف أولاد عماما .... قلت دين ومشكلجيا
لا يعرف زرع ولاجلاما .... لا يعرف عيت إمحويا
----------------------------------------------------------------
جاه إمراجع بو نجاما .... بن عمه من نفس الفيا
قله راهو في خصاما ..... في جيهت لأرض الفوقيا
فيها كانت فيه علاما ...... لكن من مده مخفيا
هلي من عند الخراما .... لاعند القاره لكصيا
من غربي وادي النعاما .... من شرقي مقلب لميا
من عند علاوي الحماما .... لا عند قرارات هنيا
راهم جوها عيت سلاما .... ونحنا بتنا برانيا
يحكي ويقبع فى أكماما .... حردت سوريتا ملويا
من عالراس عزق لعماما .... طلع من جيبا كميا
وخذت الأرض عليك نداما .... ياعار العيله جمليا
نبوا يوم إيحيد غمامه .... نرجوا فيه الكبانيا
شال الشايب فى دواما .... قله فز أنعدو هيا
في التيوتا حط إخياما .... هالوكس أو فيها بتيا
خبزه وأشولات أقطاما .... و أجريوين أمعا عجميا
قبل الليل إيعم ظلاما .... وصلوا لأرض هلي مغزيا
كم واحت واتي بحزاما .... داير في جنبا غدريا
يبوا لزت عيت سلاما .... قبل الفجر إيعلم ضيا
تما الشايب فى دواما .... في الجيه ماعندا نيا
تمت قداما التواما .... طلق إسناب أو جطلاويا
يله كي حلم الجثاما ... كم جثه تمت مرميا
ليله فيها عيت سلاما .... دالو ا الأرض إبعين قويا
خلوا عيلت بو نجاما ..... يجاروا فى هالحطيا
لزوهم تما إيتحاما ..... شايبنا بالشاماسيا
نين إغلب فى شيل أقداما .... عارف روحه راح ضحيا
جاه واحد شين إنتيقاما ..... قاسي ماعندا حنيا
متعضد يا فيه جهاما .... يقتل لو قوى بونيا
ضاع الشايب هو وأحلاما ..... حصل دهكا في جوجيا
طاح إيعيط من صماما ..... فاقد وعيا تم رميا
سبحانا ربي وأقساما ..... ماينجا لولا رعويا
لقيوه إيشير بأبهاما ...... يطلب فى نجده فوريا
فى المستشفى كان إختاما ...... مايوعى للي طرحي
ما نجين من الكسر إعضاما .... دارولا كم عاماليا
قررلا الطبيب إقاما .... لجلن شالو ا منا ريا
تبع رايت الهداما ..... غروا بيه إنسي ماضيا
منقول للفائدة
» ترحيب بأعضاء جدد
» ﴿ المورد في الكلام على عمل المولد ﴾
» ترحيب بعضو جديد
» المادة تربية إسلامية / الفصل الثاني / الدرس الأوّل عقيدة
» ايام لاتنسى
» موضوع هام جدا
» القول السوي في حكم الاحتفال بالمولد النبوي
» ترحيب بعضو جديد
» الدعوة خاصه
» اصدقائي دعونا ننطلق من جديد.
» ترحيب بعضو جديد
» ترحيب بعضو جديد
» ترحيب بعضو جديد
» ترحيب بأعضاء جدد