[center]كيف تصطادين العريس؟؟؟
كل بنت تفكر بزووج المستقبل وكل وحدة تخاف أن القطار يعدي ويتركهااا .
فلهذا يابنوتاات جبت لكم خطط مضمونة مئة بالمئة تضمن لكـ زووج المستقبل ..
لكن انتي أحسني الأختيار ومن ثم نفذي الخطة .. "يعني أختاري واحد علية القيمة "...
أتركم مع الخطط أخواااتي العزيزات ..
**كيف تصطادين العريس؟؟؟
**أهم شي نشني على العزوز الي حاطه عينك على ولدها ثم نفذي مايلي:
1-خليكي مع امك وما تمشيش مع البنات وتتهيبلي اصبري عليهم كم شهر لين تتم العملية.
2-امشي وانتي حاطه راسك بين كتوفك ولا ترفعيه ابد حتى لو وجعوك خلي الفيكس ديما في متناول يديك.
3-كلمة ( عمتي) خليها ديما على لسانك خاصة لام العريس بش تحس بنوع من التميز عن باقي العزايز.
###ملاحظه###
.لامانع تنادي عزوز ثانية ( عمتي)لان اذا مانجحت الخطه مع العجوز نمبر ون تنجح مع نمبرتو الاحتياط واجب وانا اختك....
4-اذا بدت امك تتكلم انغزيها بايدك بش ادخلك في الموضوع حتى لو ماليك علاقة. .
5-خوتك الصغار لاحقيهم وواقعدي معاهم وين مايمشو حتى لومش عادتك بس تصرفي معهم كأنك امهم بش العزوز تاخذ فكره انك حريصة علىاطفالك.
6-كل ما اكلت امك من اكله قنينة خليها تقول:نفس الأكله الي ادير فيها بنتي حتى لو الأكل من مطعم صيني او هندي.
7-اذا جيتي بتمدي ايدك توجعي وخلي امك تقول:قايلتلك ومش ضروري تنظفي حيط الحوش اللي بره ا{انقولك نظفي دارك الاول الي يقول ثايره فيها قنبلة ذرية}.
8-اذا تكلموا االصبايا عالعرس اكتمي نفسك لين تحمر خدودك بش يقولو البنت تحشمت ماليناش حق تكلمنا عندها{بس لاتكتمي نفسك واجد نخاف تمشي فيهاوتكوني قتلت نفس بغير حق}.
9-مهما كان موضوع الحوار حماسي ما تعطيش رايك خليك مثل البكما لان الدوة تجيب اجل الخطة.
10-شعرك افرديةما تخليشي طاير ولاتجعديه مهما كانت الموضه لان العجايز مايحبوووش الا الي شعرهم ناعم.
11-اذا ادلت العجوز{ام العريس المنتظر }بأي رأي سواء سياسي والا وطني والا اقتصادي وافقي عليه حتى لو انه بارد وماليش قيمة
#مثال# :تقول العجوز: بوش شارب قهوة عندنا البارح ..
قوليلها:وعليش ماقلتيلنا بش يا عمتي جيت ساعدكم؟!
12-في العرس اضغطي على نفسك وشدي روحك وما ترقصيش واعتبري الرقص عيب وشق جيب.
13-اذا جت سيرت السوق وهولازم تجي السيرة لانه ملح الجلسه عند النساء خلي امك تقول:بناتي مايحبوش يطلعو للسوق بوهم يجيبلهم في كل شىء.
***هكي العجوز بتكون وقعت في الفخ ***
نجو للعريس نفسه توا
1-اقعدي في حوشكم ومعاش تطلعي واذا جى العريس بيشوفك خلي بوك
يقول :والله ودي تشوف البنت من غير ماتدري بش تاخذ راحتك واني زي بوك وبعد تشوفها عالطبيعه ماتقولش غشيتوني.
2- قبل يجي اليوم الي بيشوفك فيه بحوالي اسبوع او اكثر دوري من مزين لمزين فرد شعر على تنظيف بشره..إلخ.
3-اذا جى العريس خلي خوك يوقف جنبه بش ما يطولش الشبح وذلك تطبيق لنظرية {اللمحة ذبحة
4-في نهاية المشهد خلي با تك يقول:معليش راهو البنت حايسة شوية {معليش يا حاج تنصب عالمسكين}.
وبهاللحظه الولد بينط على راسه ويبوسه لين يشفطله مخه ويقول امتى العرس ياعمي؟
....{تحذير مهم}....
###ابتعدي عن امهات الشباب المتعلمات
متع اللبس والطرحات هادم يبو خطة بعيدة المدى......
وياريت الخطط تعجبكم
نستني في ردودكم
كل بنت تفكر بزووج المستقبل وكل وحدة تخاف أن القطار يعدي ويتركهااا .
فلهذا يابنوتاات جبت لكم خطط مضمونة مئة بالمئة تضمن لكـ زووج المستقبل ..
لكن انتي أحسني الأختيار ومن ثم نفذي الخطة .. "يعني أختاري واحد علية القيمة "...
أتركم مع الخطط أخواااتي العزيزات ..
**كيف تصطادين العريس؟؟؟
**أهم شي نشني على العزوز الي حاطه عينك على ولدها ثم نفذي مايلي:
1-خليكي مع امك وما تمشيش مع البنات وتتهيبلي اصبري عليهم كم شهر لين تتم العملية.
2-امشي وانتي حاطه راسك بين كتوفك ولا ترفعيه ابد حتى لو وجعوك خلي الفيكس ديما في متناول يديك.
3-كلمة ( عمتي) خليها ديما على لسانك خاصة لام العريس بش تحس بنوع من التميز عن باقي العزايز.
###ملاحظه###
.لامانع تنادي عزوز ثانية ( عمتي)لان اذا مانجحت الخطه مع العجوز نمبر ون تنجح مع نمبرتو الاحتياط واجب وانا اختك....
4-اذا بدت امك تتكلم انغزيها بايدك بش ادخلك في الموضوع حتى لو ماليك علاقة. .
5-خوتك الصغار لاحقيهم وواقعدي معاهم وين مايمشو حتى لومش عادتك بس تصرفي معهم كأنك امهم بش العزوز تاخذ فكره انك حريصة علىاطفالك.
6-كل ما اكلت امك من اكله قنينة خليها تقول:نفس الأكله الي ادير فيها بنتي حتى لو الأكل من مطعم صيني او هندي.
7-اذا جيتي بتمدي ايدك توجعي وخلي امك تقول:قايلتلك ومش ضروري تنظفي حيط الحوش اللي بره ا{انقولك نظفي دارك الاول الي يقول ثايره فيها قنبلة ذرية}.
8-اذا تكلموا االصبايا عالعرس اكتمي نفسك لين تحمر خدودك بش يقولو البنت تحشمت ماليناش حق تكلمنا عندها{بس لاتكتمي نفسك واجد نخاف تمشي فيهاوتكوني قتلت نفس بغير حق}.
9-مهما كان موضوع الحوار حماسي ما تعطيش رايك خليك مثل البكما لان الدوة تجيب اجل الخطة.
10-شعرك افرديةما تخليشي طاير ولاتجعديه مهما كانت الموضه لان العجايز مايحبوووش الا الي شعرهم ناعم.
11-اذا ادلت العجوز{ام العريس المنتظر }بأي رأي سواء سياسي والا وطني والا اقتصادي وافقي عليه حتى لو انه بارد وماليش قيمة
#مثال# :تقول العجوز: بوش شارب قهوة عندنا البارح ..
قوليلها:وعليش ماقلتيلنا بش يا عمتي جيت ساعدكم؟!
12-في العرس اضغطي على نفسك وشدي روحك وما ترقصيش واعتبري الرقص عيب وشق جيب.
13-اذا جت سيرت السوق وهولازم تجي السيرة لانه ملح الجلسه عند النساء خلي امك تقول:بناتي مايحبوش يطلعو للسوق بوهم يجيبلهم في كل شىء.
***هكي العجوز بتكون وقعت في الفخ ***
نجو للعريس نفسه توا
1-اقعدي في حوشكم ومعاش تطلعي واذا جى العريس بيشوفك خلي بوك
يقول :والله ودي تشوف البنت من غير ماتدري بش تاخذ راحتك واني زي بوك وبعد تشوفها عالطبيعه ماتقولش غشيتوني.
2- قبل يجي اليوم الي بيشوفك فيه بحوالي اسبوع او اكثر دوري من مزين لمزين فرد شعر على تنظيف بشره..إلخ.
3-اذا جى العريس خلي خوك يوقف جنبه بش ما يطولش الشبح وذلك تطبيق لنظرية {اللمحة ذبحة
4-في نهاية المشهد خلي با تك يقول:معليش راهو البنت حايسة شوية {معليش يا حاج تنصب عالمسكين}.
وبهاللحظه الولد بينط على راسه ويبوسه لين يشفطله مخه ويقول امتى العرس ياعمي؟
....{تحذير مهم}....
###ابتعدي عن امهات الشباب المتعلمات
متع اللبس والطرحات هادم يبو خطة بعيدة المدى......
وياريت الخطط تعجبكم
نستني في ردودكم
الإثنين نوفمبر 10, 2014 11:44 pm من طرف meme cool
» ترحيب بأعضاء جدد
الأربعاء مايو 07, 2014 9:06 am من طرف انصيره
» ﴿ المورد في الكلام على عمل المولد ﴾
السبت أكتوبر 12, 2013 12:53 pm من طرف عزالدين القطعاني
» ترحيب بعضو جديد
الإثنين أبريل 22, 2013 10:12 pm من طرف انصيره
» المادة تربية إسلامية / الفصل الثاني / الدرس الأوّل عقيدة
الإثنين أبريل 22, 2013 6:44 pm من طرف احمد فؤاد
» ايام لاتنسى
الإثنين أبريل 22, 2013 3:36 pm من طرف احمد فؤاد
» موضوع هام جدا
السبت مارس 30, 2013 8:57 am من طرف المدير العام
» القول السوي في حكم الاحتفال بالمولد النبوي
الثلاثاء يناير 22, 2013 10:39 pm من طرف انصيره
» ترحيب بعضو جديد
الإثنين ديسمبر 31, 2012 8:41 pm من طرف انصيره
» الدعوة خاصه
الإثنين ديسمبر 03, 2012 6:31 pm من طرف المدير العام
» اصدقائي دعونا ننطلق من جديد.
الجمعة نوفمبر 30, 2012 11:27 am من طرف نائب المدير العام
» ترحيب بعضو جديد
الخميس نوفمبر 29, 2012 7:27 pm من طرف انصيره
» ترحيب بعضو جديد
الخميس نوفمبر 29, 2012 7:24 pm من طرف انصيره
» ترحيب بعضو جديد
الخميس نوفمبر 15, 2012 8:49 am من طرف انصيره
» ترحيب بأعضاء جدد
الإثنين نوفمبر 12, 2012 9:24 pm من طرف انصيره